Ақтөбе қаласы «Жастар Арена» спорт кешенінде белбеу күресінен халықаралық турнир өтті.
Мемлекет және қоғам қайраткері Марат Оспановты еске алуға арналған Гран-при турниріне елімізден өзге көршілес Ресей федерациясы мен Өзбекстан, Тәжікстан, Қырғызстан мемлекеттерінен 200-ден аса спортшылар қатысып, кіл мықтының арасынан кім мықтыны анықтады. Байрақты бәсекеде ел намысын қорғаған Созақ ауданының спортшылары жарысты жоғары нәтижемен аяқтады.
Сайыс қорытындысы бойынша Кұлманбетов Айдос 90 келі салмақта күрестің классика түрінен І орын алса, еркін түрінен ІІІ орынға табан тіреді.
Сондай-ақ Берікбай Дамир 68 келі, Бейсембі Асылбек 57 келі, Нышанбай Болат 62 келі салмақ дәрежесі бойынша күрестің қола жүлдегерлері атанып, еліміздің мерейін үстем етті.
