Ақтөбе қаласында жекпе-жек Ұлттық спорт түрінен 9-13 тамыз аралығында жасөспірімдер мен юниорлар Қазақстан кубогін сарапқа салды.
Еліміздің барлық облыстары мен қалаларынан іріктеліп келген спортшылар қатысып, тартысты жекпе-жектер өткізді. Еліміздің кубогі жолындағы бәсекеде Түркістан обоысының спортшылары да жүлдеден құр қалмады.
16-17 жас аралығындағы тартыста жерлесіміз 58 келіде күш сынаған Кәрім Айтолқын алтын медальді мойнына ілді. Ал, 12-13 жас аралығындағы жекпе-жекте 45 келідегі жерлесіміз Нұртас Тасқара күміс медальді олжаласа, осы жас ерекшелігіндегі тағы бір дарынды жерлесіміз 43 келідегі Биләл Тәнірберді қола алқаны қанағат етті. Сондай-ақ, 34 келіде Ануар Тоқсанбай да қолаға қол созды.
Жеңімпаз және жүлдегер спортшыларды құттықтаймыз!