Шымкент қаласында Қазақстанның Халық әртісі, композитор Шәмші Қалдаяқовтың туған күніне орай Шымкент қалалық мәдениет басқармасының ұйымдастыруымен «SHAMSHI» қалалық ән байқауы өтті.
Композитордың шығармашылығына арналған байқауға 30-ға жуық үміткерден өтінім түсіп, нәтижесінде 19 әнші үш күн бойы өнер көрсеткен болатын.
Байқау қорытындысы бойынша Ордабасы аудандық мәдениет үйінің әншісі Айдос Сұлтанбек жеңімпаз атанып, марапатталды. Сондай-ақ, «Арай» халықтық вокалды аспаптар ансамблінің синтезатор ойнаушысы Мұхтар Тұрлыбеков «Ең үздік ән өңдеуші» номинациясын иеленді.
Түркістан облысының мәдениет және туризм
басқармасының баспасөз қызметі