Мамыр айының 18-21 күндері аралығында Өзбекстан Республикасының Андижан қаласында, Шириев Рафикті еске алуға арналған үстел теннисінен халықаралық турнир өтті.
Бауырлас елдер арасында өткен халықаралық турнирге Түркіменстан, Қырғызстан, Қазақстан және Өзбекстан Республикаларының құрама командаларынан жалпы 300-ге жуық спортшылар қатысты.
Халықаралық турнирге қатысқан Жетісай аудандық №2 балалар мен жасөспірімдер спорт мектебінің спортшысы Есімхан Орынбасар 2011 жылы туылған жасөспірімдер арасында өткен ойындарда қарсыластарынан басым түсіп, жүлделі III орынның жеңімпазы болды.
Жеңімпаз спортшымызды турнирге дайындаған Түркістан облысының аға жаттықтырушысы — Есімханов Ержан.
