Ақтөбе қаласында республикалық театр фестивальінде «Үздік актерлік ұжым» номинациясын иеленген «Темірлан» халық театры аудан тұрғындарына, 21 мамыр — Мәдениет және өнер қызметкерлері күні қарсаңында Перизат Баймаханова режиссерлық жасаған «Күшік күйеу» қойылымын ұсынды.
Іс шараға аудан басшысы Н. Бақтыбайұлы, Мәслихат төрағасы Б. Жұмабеков, Аманат партиясының сектор меңгерушісі Г.Қалыбаева арнайы қатысып, ізгі тілек ықыластарын білдірді. Іс шара соңында бірқатар мәдениет қызметкерлері аудан әкімінің, Аудандық мәслихат төрағасының, Аманат партиясы Ордабасы аудандық филиалы төрағасының, аудандық мәдениет, тілдерді дамыту, денешынықтыру және спорт бөлімі басшысының Алғыс хаттарымен марапатталды.
Қойылымды тамашалаған көрермендер мәдениет саласының барша өнерпаздары мен қызметкерлеріне алғыстарын білдірді.
