Түркістан облысының құрылғанына 5 жыл толуына орай, Қазығұрт ауданы орталық алаңында ауданымыздың ала доп шеберлерінен құралған «Тілеу Қызылқия» командасы мен көршілес Өзбекстан Республикасының «Бунёдкор» командалары өзара бақ сынасты. Екі тайм бойында барын да, бабын да көрсеткен спортшылар көрерменнің көңілінен шықты.
Сондай-ақ, өзара тәжірибе алмасты. Жолдастық кездесудің қорытындысы 3:0 есебімен қонақтардың пайдасына шешілді. Дегенмен, жасыл алаңда азулы командамен арпалысқа түскен қазығұрттық футболшыларымызды көпшілік көрермен әрдайым қолдайтынын білдірді.
Мұндай өзге елдің командаларымен жолдастық кездесулер өткізу арқылы тәжірибе алмасу, алдағы уақыттарда спортшыларымызға үлкен жеңістер сыйлайды деген сенімдеміз. Жеңісті күндеріміз көп болсын!
Қазығұрт ауданы әкімдігінің баспасөз қызметі
