«Қазатомөнеркәсіп» ұлттық атом компаниясы» акционерлік қоғамы (бұдан әрі – Қазатомөнеркәсіп) Түркістан облысында орналасқан Жалпақ кен орнының «Шығыс» учаскесінде уран барлау жұмыстарын жүргізуге жер қойнауын пайдалану құқығын алғанын хабарлайды.
Жер қойнауын мемлекеттік геологиялық зерттеу шеңберінде «Қазатомөнеркәсіп» ҰАК» АҚ жеке қаражаты есебінен осы аумақта іздеу жұмыстары жүргізіліп, нәтижесінде Р1 және Р2 санаттары бойынша уран ресурстары анықталды. Алдын ала есептеулер бойынша болжамды ресурстар 30 мың тоннаға дейін уранға жетеді. Уран ресурстарын С2 және С1 санаттарындағы қорларға айналдыру бойынша одан әрі геологиялық барлау жұмыстарын жүргізудің орындылығы расталды, оның нәтижелері бойынша учаскедегі уран қоры жаңартылады.
Уран минералдық-шикізат базасын толықтыру бойынша геологиялық барлау бағдарламасы аясында «Қазатомөнеркәсіп» кейіннен мемлекеттік балансқа есептелген уран қорын енгізе отырып, 6 жыл бойы барлау жұмыстарын жүргізуді жоспарлап отыр.
«Біз уран кен орындарын іздеу және барлау саласындағы біздің күш-жігеріміз өз жемісін беріп, Қазақстанның уран өнеркәсібіндегі жетекші әлемдік көшбасшы ретіндегі позициясын нығайтуға көмектесетінін мақтанышпен атап өтуге болады. Уран нарығы әрі қарайғы ғылыми-зерттеу және тәжірибелік-конструкторлық жұмыстар біздің уран ресурстарымызды айтарлықтай арттырып, жаһандық энергетикалық қауіпсіздікті қамтамасыз етуге және еліміздің экономикалық өсуіне ықпал ететініне сенімдімін», — деп атап өтті «Қазатомөнеркәсіп» ҰАК» АҚ басқарма төрағасы Мейіржан Юсупов.
Энергия қауіпсіздігіне және энергия өндіру көздерін әртараптандыруға назардың артуы ядролық энергияның қазба отындарына таптырмас балама ретінде бірінші орынға шығуына мүмкіндік берді. Табиғи уранның әлемдік жетекші өндірушісі және жеткізушісі ретінде «Қазатомөнеркәсіп» таза энергияға көшу жөніндегі жаһандық күш-жігерде маңызды рөл атқарады және өз ұстанымын сақтап қалуға ұмтылады.
