Түркістандағы Этноауылда «Өнерлі өлке» облыстық өнер фестиваль аясында Түлкібас ауданының мәдениет күндері жалғасып жатыр. Күні бойы қалаға келушілер «Қолөнерім – қазақтың төл өнерім» атты фото, қылқалам, қолөнер шеберлерінің, Ақсу-Жабағылы мемлекеттік табиғи қорығының және Сайрам-Өгем мемлекеттік ұлттық паркінің этнографиялық коллекциялық көрмесін тамашалады. Сонымен қатар спорттық ойындардан сайыс ұйымдастырылып, оза шапқан жеңімпаздар марапатталды.
Мерекелік шара күні кеше аудан өнерпаздарының қатысуымен гала-концертпен басталған еді. Түлкібас ауданы әкімінің орынбасары Ербол Орманов ашып берсе, Түркістан облысы мәслихатының депутаты Нұрайым Шахимерген көпшілікті облыстың 5 жылдығымен құттықтады. Сәкен Қалымов, Индира Расылхан, Мамадияр Таукеев бастаған елімізге танымал жұлдыздармен қатар, жас әншілер мен бишілер, күйшілер өнер көрсеткен болатын.
Айта кетейік, 21 мамыр күні сағат 11:00-17:00 аралығында «Салт дәстүр – сан ғасырлық саф мұра» атты ән, жыр мен ұлттық салт-дәстүрлер көрінісі сахналанады.
Түркістан облысы мәдениет және туризм
басқармасының баспасөз қызметі
