2024-03-04 13:56:03
4.3 C
Шымкент

Көп қаралғандар

Түркия президенті: Газа секторындағы шабуылдарға жауаптыларды тарих соттайды

Түркия президенті: Газа секторындағы шабуылдарға жауаптыларды тарих соттайды

Режеп Тайып Ердоған Газада болып жатқан оқиғалар аясында елдердің әрекетсіздігін «Адамзат үшін ұят» деп атады.

Тарих блокададағы Газа секторындағы палестиналықтарға жасалған аяусыз шабуылдарға жауаптыларды соттайды.

Бұл туралы Түркия президенті Режеп Тайып Ердоған сәрсенбі, 20 желтоқсанда Анкараның Бештепе ауданындағы Ұлттық конгресс және мәдениет орталығында өткен мәдениет және өнер саласындағы президенттік марапаттау рәсімінде мәлімдеді.

«Бұл жиіркенішті жағдайды, соған себепші болғандарды, оны заңдастыруға тырысып, көз жұмғандарды тарих өздері лайықты бағалайды», — деді Мемлекет басшысы.

Ердоған Израильдің Газа секторына жасаған аяусыз шабуылдары алдында көптеген елдердің әрекетсіздігін «адамзат үшін масқара» деп атады.

«Израильдің қырғын мен тонауға негізделген жауыздық шабуылдары алдында көптеген даңқты мемлекеттердің қолдарын байлап отыруы адамзат үшін ұят», — деді Түркия басшысы.

Елбасы «2024 жыл залымдар лайықты жазасын алатын, езілгендердің жарасы жазылатын жыл болады» деген сенім білдірді.

Соңғы жаңалықтар

ҰҚСАС ЖАЗБАЛАР