Швейцария әскери-әуе күштерінің ұшағы жаттығу рейсі кезінде апатқа ұшырады және пилот тірі қалды, деп хабарлады Федералдық қорғаныс, азаматтық қорғаныс және спорт департаменті сайтында.
«Бүгін таңертеңгі сағат 9.00-де (Астана уақытымен 12.00) Швейцария әуе күштерінің F-5 ұшағы апатқа ұшырады. Ұшқыш ұшып шығып, тірі қалды. Tiger F-5 ұшағы Пайерндегі әскери аэродромнан ұшып, Швейцария әуе күштерінің F/A-18 үшін спарринг серіктесі ретінде жаттығу рейсін жасады. Қазіргі уақытта әскери сот апаттың себептерін зерттеп жатыр», — делінген хабарламада.
