Анджелина Джоли мен Сальма Хайек бірге түскен «Вечные» (Мәңгілік) фильмінің трейлері шықты. Трейлер Marvel-дің YouTube арнасында пайда болды.
«Вечные» — бұл режиссер Хлои Чжаоның көрсетілімге шығатын американдық көркем фильмі. Бұл Marvel кинематографиялық әлемінің 26-шы фильмі. Кинокомикстің түсірілімі 2019 жылдың шілдесінде Лондонда басталып, 2020 жылдың ақпан айында аяқталды.
Аталған фильм 2021 жылдың 5 қарашасында үлкен экранға шығады. Бастапқыда кинокомикстің премьерасы 2020 жылдың қарашасына жоспарланған болатын, бірақ ол коронавирустық пандемияға байланысты кейінге қалдырылды.