2021-10-26 14:52:11
19.3 C
Шымкент

Көп қаралғандар

Шымкенттің ең көне мектебі 146-шы соңғы қоңырауын соқты

Шымкенттің ең көне мектебі 146-шы соңғы қоңырауын соқты 1

Шымкент қаласындағы ең көне мектеп – М.Х.Дулати атындағы №8 үш тілде оқытатын мамандандырылған гимназиясы. Бүгін бір жарым ғасырлық тарихы бар мектепте 146-шы соңғы қоңырау соғылды, деп хабарлайды Шымкент қаласы әкімдігінің баспасөз қызметі. Мектеп түлектерінің салтанатты іс-шарасына қала әкімінің орынбасары Ерғали Білісбеков қатысты. Е. Білісбеков барша мектеп бітірушілерін соңғы қоңырау күнімен құттықтап, оларға жарқын болашақ тіледі.

– Бұл білім ұясы – қаламыздағы ең көне және тарихы терең мектеп. Бүгінде есімдері елге танымал қаншама азаматтар осы мектептен қанат қаққандарын мақтанышпен айтады. Өзім де №8 мектеп-гимназиясының түлегімін. Құрметті мектеп бітірушілер, баршаңызға өмірлік сәттілік тілей отырып, ұлағатты ұстаздарымызға қажырлы еңбектері үшін ерекше алғысымды білдіргім келеді, – деді Ерғали Дәулетбекұлы.

Үнемі шығармашылық ізденістің, жоғары оқу сапасына ұмтылудың арқасында мектеп 80-жылдардың соңында дарынды балаларды көпсалалы оқыту бойынша эксперименттік алаң мәртебесін алды. 1992 жылы мектеп гимназия мәртебесін иеленген. Бүгінде оқушыларды үш тілде оқытатын мамандандырылған гимназия.
2020-2021 оқу жылының қорытындысы бойынша 1997 оқушы оқу жылын аяқтады. Оның ішінде 158 -і 11-сынып түлектері. 22 түлек «Алтын белгі» төсбелгісін алуға үміткер. Үздік аттестат алуға үміткерлер саны – 6.

Шымкенттің ең көне мектебі 146-шы соңғы қоңырауын соқты 3

Айта кетерлігі, гимназия биыл Қазақстан бойынша үздік «100 олимпиадалық мектептер» тізіміне еніп отыр. Сонымен қатар, «Шымкент жастар лигасының» ширек финалында баскетболдан бас жүлдені иеленген.

Соңғы жаңалықтар

ҰҚСАС ЖАЗБАЛАР