Жақында Қазақстан Республикасы Жоғары оқу орындары арасында Xll жазғы универсиадасы мәресіне жетті. Жарысқа елімізден 10 команда, 70-ке жуық спортшы қатысып, күш сынасты. Бұл жарыста Түркістан қаласының Халықаралық туризм және меймандостық университетінің атынан түркістандық талантты саңлақтар Мадияр Сейділда, Нұрғиса Тілеубай, Бағдаулет Абдураймов, Нәрзілла Абдрахман жарысқа қатысып, жүлдеге қол жеткізді.
Түркістанның намысын қорғаған болашағы кемелді жерлестеріміз Сейділда Мадияр 100 метрге брасс әдісімен өнер көрсетіп, күміс жүлдеге ие болды. Сонымен қатар, Мадияр 50 метр брасс әдісімен де қола жүлдеге қол жеткізді. Бұдан өзге Бағдаулет Абдраймов 100 метр шалқалай жүзу бойынша күміс жүлдегер, ал, Нұрғиса Тілеубай 100 метр баттерфляй сынында да күміс алқаны иеленді. Сондай ақ, жерлесіміз 50 метрден баттерфляй күміс жүлдегер, 4×50 метрге аралас эстафетада күміс, 4×50 еркін стильде қола алқаны жеңіп алды.
Жалпы командалық есепте талантты шәкірттеріміз үшінші орында тұрақтап, арнайы кубокпен марапатталды. Жалпы жерлестеріміз 14 медальді олжалады.
