2024-02-27 10:45:09
-4.7 C
Шымкент

Көп қаралғандар

Түркі әлеміне Қазақ халқының ұлттық құндылықтарын таныстыруға Түркістандықтар да үлес қосуда

Түркі әлеміне Қазақ халқының ұлттық құндылықтарын таныстыруға Түркістандықтар да үлес қосуда

Әзірбайжан Республикасының Шуша қаласында Халықаралық ТҮРКСОЙ ұйымының ұйымдастыруымен «Түркі әлемінің мәдени астанасы — Шуша 2023» іс-шарасы және «Хары-бюльбюль» халықаралық фольклорлық фестивалі өтіп жатыр. Аталмыш іс-шараларға Қазақстанмен қатар, Өзбекстан, Тәжікстан, Қырғызстан сынды түркітілдес мемлекеттердің өкілдері де қатысуда.

Ауқымды іс-шараға түркістандық қолөнершілерді «Turkistan Qol Oner Одағының» төрайымы Индира Сарқытқызы бастап барды. Олар фестивальдің алғашқы күнінен бастап көпшілікке қазақтың ұлттық тағамдарын, қолөнер шеберлерінің ең үздік бұйымдары қойылған көрме-жәрмеңкені ұсынып, түркі халқының ыстық ықыласына бөленіп келеді.

Ал бүгін Шушадағы мәдени іс-шараларға түркітілдес мемлекеттердің мәдениет министрлері арнайы қатысты. Олардың қатарында Қазақстан Республикасының мәдениет және спорт министрі Асхат Оралов та болды. Түркі мемлекеттерінің министрлері қазақ халқының құндылықтарымен танысып, ұлттық тағамдарымыздан дәм татты.

Іс-шарада Индира Икапова Әзірбайжан Республикасының мәдениет министрі Адиль Керимлиге Қожа Ахмет Ясауи туралы кітапты сыйға тартты.

Айта кетсек, бұл бағыттағы рухани-мәдени іс-шаралар 14 мамырға дейін жалғасады.

Соңғы жаңалықтар

ҰҚСАС ЖАЗБАЛАР