Мамыр айының 24-28 күндері аралығында Сайрам ауданы Құтарыс ауылында өткен, бокстан ҚРЕСЖ Біржан Бөбеевті еске алуға арналған 2009-2010 жылы туылған жасөспірімдер арасындағы ІV-республикалық турниріне Жетісай аудандық №3 балалар мен жасөспірімдер спорт мектебінің спортшысы Апбаз Жалғас қатысып қатты.
Жарыстың марапаттау рәсіміне Қазақстан Республикасының бокстан ересектер арасында аға бапкері Мырзағали Айтжанов, бокстан Токио олимпиадасының қола жүлдегері Сәкен Бибосынов және бокстан Әлем чемпионы Қайрат Ералиевтер арнайы қатысып, турнирдің жеңімпаз спортшыларын медаль және дипломдармен марапаттады. Жеңіс тұғырынан көрінген ауданымыздың 43 кг салмақ дәрежесіндегі спортшысы Апбаз Жалғас жүлделі I орынға қол жеткізіп, алтын медальмен марапатталды.
Жаттықтырушысы — Тураев Серғазы.
