18 мамыр – Халықаралық музейлер күніне орай «Ұлы Дала Елі» орталығында «Ашық есік күні» және «Музей түні» акциясы аясында «Ұлы істердің ұйытқысы – Ұлы Дала Елі Орталығы» атты мерекелік кеш өтеді.
Ашық есік күні акциясы аясында:
- – сағат 10:00-де Облыстық білім басқармасының ұйымдастыруымен «Облыстық жас туристер станциясы» мерекелік іс-шарасы;
- – сағат 11:00-де Түркістан қалалық балалар қолөнер орталығының қолөнер шеберлері жәрмеңкесі және облыстық «Farab» кітапханасы жасақтайтын «Музей – тарих қоймасы» атты кітаптар көрмесі;
- – сағат 14:00-де қонақжайлылық пен мейірімділікті дәріптеу, қала қонақтарына көтеріңкі көңіл-күй сыйлай отырып, ыстық бауырсақ арқылы ыстық ықылас, жылы лебіз сезіндіру мақсатында «1000 бауырсақ тарту» акциясы;
- – сағат 16:00-де анимациялық кейіпкерлермен суретке түсу;
- – сағат 17:30-да келген қонақтардың танымдық-шығармашылық қабілеттерін, қызығушылығын, жылдамдықтарын байқау мақсатында танымдық және интерактивті квест ойыны өтеді.
Сонымен қатар 18:00-де «Музей түні» акциясы аясында жастардың музейге деген қызығушылығын арттыру мақсатында Түркістан қаласының белгілі әншілерімен бірлесіп, қонақтарға мерекелік көңіл күй сыйлайтын болады.
Айта кетейік, «Ұлы Дала Елі» орталығына ертең таңғы 09:00-ден түнгі 23:00-ге дейін кіру тегін.
