Дзюдо күресінен Отырар ауданында жасөспірім ұлдар мен қыздар арасында облыс чемпионаты басталды. Күрес бәсекесіне 2008-2009 жылы туылған кіші жасөспірімдер қатысып, өзара күш сынасуда.
Күрес бәсекесіне облыстың барлық өңірінен 600-ге жуық жеткіншектер қатысып, ұлдар 9 салмақ дәрежесінде мықтыны анықтаса, қыздар 8 салмақта белдеседі.
Дзюдо күресінен жасөспірімдер арасында Түркістан облысының аға бапкері Айдос Отарбаевтың айтуынша облыс чемпионатына әр ауданнан іріктелген балуандар қатысып, бар өнерлерін ортаға салуда.
Негізгі мақсат алдағы уақытта Өскеменде өтетін ел чемпионатына облыс құрамасын жасақтау. Татами көркін қыздырып жатқан балуандар арасында 55 келіде Ернұр Батырғали, 50 келіде Сейтжан Маметов, 38 келіле Бексұлтан Тұрсынбектер өз шеберліктерімен ерекшеленуде.
