Жаңа дизайн visionOS жүйесінен шабыт алған.
Bloomberg шолушысы Марк Гурманның жазуынша, бұл iPhone үшін iOS 7 шыққаннан бергі ең ірі редизайн, ал Mac үшін Big Sur-дан кейінгі ең үлкен өзгеріс болмақ.
Толық мәліметтер аз, бірақ Гурманның айтуынша, кейбір элементтер visionOS жүйесінен алынған, алайда жаңарту Vision Pro интерфейсінің толық көшірмесі емес, тек жалпы стильде жасалған.
Apple иконкалар, мәзірлер, қосымшалар, терезелер және жүйелік батырмалардың стильдерін жаңартып, барлық операциялық жүйелерді біркелкі дизайнға келтіруді жоспарлап отыр. Сонымен қатар, құрылғыларды басқару мен навигацияны жеңілдетуге назар аударылуда.
Гурманның болжамынша, iOS 19, iPadOS 19 және macOS 16 жүйелері 2025 жылдың маусымында өтетін WWDC конференциясында таныстырылады.
