2022-07-06 22:48:35
32.3 C
Шымкент

Көп қаралғандар

Шымкент тұрғындары саяси қуғын-сүргін құрбандарын еске алды

Бүгін Шымкенттегі «Қасірет» мемориалында саяси қуғын-сүргін және ашаршылық құрбандарын еске алуға арналған іс-шара өтті. Қаралы жиында тағдырдың қатал сынағына ұшыраған боздақтарға құрмет көрсетіліп, бір минуттық үнсіздікпен басталды.

Қала әкімі Мұрат Әйтенов пен зиялы қауым өкілдері «Ана мен бала» ескерткішіне  гүл шоқтарын қойып, тағзым етті.

Бабалар кешкен қайғылы сәттер театрландырылған көріністер арқылы көрсетіліп, сахналандырылған қойылым қойылды. Жиналғандар бабалар рухына құран бағыштап, өткен күнге салауат айтты.

Тәуелсіздік алғаннан кейін 1993 жылы 14 сәуірде жаппай қуғын-сүргін құрбандарын ақтау туралы ҚР Заңы қабылданды. Ал, ҚР Президенті Нұрсұлтан Назарбаев 1997 жылды Жалпыұлттық татулық пен саяси куғын-сүргін құрбандарын еске алу жылы, сондай-ақ  31 мамыр – саяси саяси қуғын-сүргін және ашаршылық құрбандарын еске алу күні деп жариялады. Жалпы, зерттеушілер деректеріне сүйенсек, 1927-53 жылдары Қазақстан бойынша 125 мыңнан бастам адам қуғын-сүргінге ұшыраған. Олардың 25 мыңы атылды. Осы қуғын сүргін жылдарында бүкіл елде 953 лагерь болған. Қазақстанда ГУЛаг-тың 20-дан астам лагері орналасқан.

Тәуелсіздік жылдары аралығында 146,5 мың күнәсіз жазғырылған отандасымыздың аттары жазылған 14 «Аза кітабы» жарыққа шықты. Заңнамаға сәйкес, 340 мыңнан астам заңсыз қуғын-сүргінге ұшыраған азаматтар ақталды.

Сонымен біре Әл-Фараби атындағы қалалық ғылыми-әмбебап кітапханасында 1937-39 жылдардағы қуғын-сүргін құрбандарының ұрпақтарымен арнайы кездесу ұйымдастырылды. Онда жазықсыз жапа шеккендерді, саяси режимнің құрбаны болғандарды ақтау жөніндегі арнайы жұмыс тобының зерттеу еңбектері кірістірілген арнайы жинақ келген қонақтарға таратылды. Сондай-ақ іс-шара барысында Шымкент қалалық қуғын-сүргін музейінің өкілдері сөз алып, қазақ халқына төнген сталиндік режимнің ауыр қасіреттерін баяндап, бүгінгі ұрпақты кешегі тарихтан сабақ алуға шақырды. Сонымен бірге кезінде КСРО-ның Сауд Арабиясындағы Елшісі болып қызмет атқарған және басқа да лауазымды қызметтерде болған қоғам қайраткері Нәзір Төреқұлов жайлы тарихи-деректі фильм жұртшылық назарына ұсынылды.

Соңғы жаңалықтар

ҰҚСАС ЖАЗБАЛАР