2021-10-26 14:14:18
16.3 C
Шымкент

Көп қаралғандар

Шымкент: Әл-Фараби ауданының әкімі азаматтарды қабылдады

Шымкент: Әл-Фараби ауданының әкімі азаматтарды қабылдады 1Шымкент қаласы Әл-Фараби ауданының әкімі азаматтарды жеке қабылдады деп хабарлайды Citynews.kz сайты Шымкент қаласы әкімдігінің баспасөз қызметіне сілтеме жасап.

Тұрғындар аудан әкіміне ауланы көріктендіру, кәріз жүйесі, үй құрылысы мәселелері бойынша арыз-шағымдары мен ұсыныс-тілектерін жеткізді.

Мәселен, Төреқұлов көшесінің тұрғыны Божко Татьяна нөсер кезінде үйінің алдына су жиналып, ыңғайсыздық тудыратынына шағымданды. Бұл мәселені жан-жақты қарастыру үшін Рашид Мамытұлы жауапты мамандармен Төреқұлов көшесіне барды. Тұрғындармен кездесіп, көтерілген мәселені шешудің бірнеше жолдарын ұсынды.

Аудан әкімі кездесу барысында көтерілген барша мәселелердің дер кезінде орындалуын тиісті сала мамандарына тапсырды.
Жалпы аудан тұрғындарымен кездесу тұрақты түрде аптаның әр сәрсенбі-бейсенбі күндері өткізіледі.Әл-Фараби ауданы әкімінің жеке қабылдауына жазылу үшін тұрғындар әкімдікке келіп алдын ала өтініш қалдыруы тиіс. Одан бөлек тұрғындар сұрақтарын әр дүйсенбі күні @alfarabi. shymkent парақшасында онлайн форматта өтетін тікелей эфирде қоя алады.

Соңғы жаңалықтар

ҰҚСАС ЖАЗБАЛАР