«Саламатты Қазақстан» медициналық пойызы биыл өз жолында 112 теміржол станциясында тұратын 80 мыңнан астам адамды медициналық қызметпен қамтамасыз етуі тиіс.
Медициналық пойыздар шалғай елді мекендердің тұрғындарына медициналық көмектің қолжетімділігін қамтамасыз ету үшін 2010 жылдан бастап жүзеге асырылып келе жатқан бірегей жобаға айналды.
«Саламатты Қазақстан» медициналық пойызы диагностикалық қызметтер мен мамандардың кең бейінін (профилактикалық скринингтер, консультациялық-диагностикалық қызметтер көрсету, дәрілік заттармен қамтамасыз ету және т.б.) ұсынады.
Жобаны ҚР Денсаулық сақтау министрлігі «Samruk-Kazyna Trust» әлеуметтік жобаларды дамыту қорымен және «Самұрық-Қазына» АҚ компаниялар тобы атынан «Қазақстан Темір Жолы» ҰК АҚ жанындағы «Әлеуметтік жобалар қоры» Корпоративтік қорымен бірлесіп іске асыруда.
Ағымдағы жылы 26 сәуірден бастап «Саламатты Қазақстан» медициналық пойызы іске қосылған сәттен бастап бейінді мамандардың 44 965 консультациясы, 15 911 зертханалық-диагностикалық зерттеу, 2 576 шағын хирургиялық операция жүргізілді, профилактикалық тексеру барысында 1 216 науқас анықталды, оның ішінде 795 адам, оның ішінде 199 бала есепке алынды.
Ағымдағы жылдың маусым айының соңында Денсаулық сақтау министрлігінің өкілдері Ақмола облысы Бұланды ауданының Макинск станциясында медициналық пойыздың жұмысымен танысып, тұрғындармен кездесу өткізді.
Макинск станциясында 498 тұрғын, оның ішінде 95 бала тексерілді. Медициналық қызметтер жүргізілді: бейінді мамандардың консультациялары — 2 711, зертханалық-диагностикалық зерттеулер-678, шағын хирургиялық операциялар – 58.
Жобаның арқасында станциялар мен оған іргелес елді мекендердің көптеген тұрғындары биыл алғаш рет білікті дәрігерлерге барып, аурулардың бар-жоғын тексерді. Пациенттерге қажетті алғашқы медициналық көмек, кәсіби консультация берілді және жақын маңдағы медициналық орталықтарға одан әрі емделуге жолдама берілді.
