Энергетикалық ауысу және көмірсутектер саласындағы ынтымақтастық мәселелері ҚР Экология және табиғи ресурстар министрі З.Сүлейменова мен «Axens» компаниясының Басқарма Төрағасы Жан Сентенактың кездесуінің күн тәртібінде тұрды.
Кездесу барысында Министр Қазақстан Париж келісімінде айқындалған жаһандық температуралық мақсатқа қол жеткізудегі ортақ жауапкершілікті мойындайтынын атап өтті. Осы жылдың ақпан айында Қазақстанның 2060 жылға дейінгі көміртегі бейтараптығына қол жеткізу стратегиясы бекітілді, ол жалпыұлттық тәсілдерді, экономика секторларын декарбонизациялау және дәйекті трансформациялау жөніндегі мемлекеттік саясаттың стратегиялық бағытын айқындайды.
Стратегия жоғары көміртекті жобалардың орнына елдің төмен көміртекті және көміртексіз дамуға қажетті инвестицияларын бағалауды көрсетеді.
Ағымдағы жылдың сәуір айында ҚР Үкіметінің қаулысымен климаттың өзгеруіне бейімделу жөніндегі жаңа тарау көзделген елдің ұлттық деңгейде айқындалатын үлесі (ОНУВ) жаңартылды.
ОНУВ-ны іске асыру үшін 2030 жылға қарай парниктік газдар шығарындыларын 15% — ға төмендету жөніндегі мәлімделген мақсатқа қол жеткізу үшін нақты шараларды көздейтін Жол картасының жобасы әзірленді.
«Біз елдің декарбонизация мақсаттарына қол жеткізу мүмкіндігі үшін климаттың өзгеруіне қарсы күресті қаржыландыру саласындағы әділ ауысу мен халықаралық қолдауға үміттенеміз. Көміртекті бейтараптыққа қол жеткізу бойынша алға қойылған мақсатты қамтамасыз ету үшін біз салалық саясатты реформалауымыз қажет», — деді ведомство басшысы.
Сонымен қатар, Қазақстан он жыл бойы парниктік газдар шығарындыларының (СТВ) Ұлттық сауда жүйесін құрып келе жатқаны белгілі. Қазірдің өзінде жүйе өзін көміртегі қарқындылығын төмендетуді ынталандырудың тиімді механизмі ретінде көрсетті.
Кездесу соңында З. Сүлейменова: «осы мүмкіндікті пайдалана отырып, Қазақстанның климаттың өзгеруі саласындағы жаһандық саясатты жүзеге асыруын тұрақты қолдайтынын атап өтемін. Министрліктің осы бағыттағы жоспарланған жұмысы өте маңызды және декарбонизация мақсатына қол жеткізуге ықпал етеді».
