2022-09-28 02:45:24
12.3 C
Шымкент

Көп қаралғандар

№65 мектеп-гимназиясында алғашқы қоңырау соғылды

Шымкент қаласындағы №65 мектеп-гимназиясы білім күніне орай алғашқы қоңырау соғылып, мерекелік жиын өтті. Салтанатты жиынға қатысқан Шымкент қаласы мәслихатының хатшысы Бахадыр Нарымбетов оқушылар мен ұстаздарға жаңа оқу жылында сәттілік тіледі.

–БОЛАШАҒЫНАН ЗОР ҮМІТ КҮТКЕН КЕЗ КЕЛГЕН МЕМЛЕКЕТ ӘУЕЛІ БАЛА ТӘРБИЕСІ МЕН БІЛІМ САЛАСЫНА АСА МӘН БЕРЕДІ. СОҢҒЫ ЖЫЛДАРЫ БІЛІМ САЛАСЫНДА ҮЛКЕН РЕФОРМАЛАР ЖҮЗЕГЕ АСЫРЫЛЫП, ҚАРЖЫЛАНДЫРУ ЖЫЛ САЙЫН ҰЛҒАЙЫП КЕЛЕДІ. 2018 ЖЫЛЫ ШЫМКЕНТ ҚАЛАСЫНЫҢ ЭКОНОМИКАЛЫҚ БЮДЖЕТІ 146 МЛРД. ТЕҢГЕ БОЛСА, АЛ ҚАЗІР ҚАЛАДАҒЫ БІЛІМ САЛАСЫНЫҢ ӨЗІНЕ 176 МЛРД. ТЕҢГЕ БӨЛІНІП ОТЫР.  БҰЛ – ЕЛІМІЗДЕ ӨСКЕЛЕҢ ҰРПАҚТЫҢ БОЛАШАҒЫНА ҮМІТ АРТҚАНЫНЫҢ АЙҒАҒЫ. ҚАЛАМЫЗДА 223 МЕКТЕПТЕ 242 МЫҢНАН АСТАМ БАЛА ЖАҢА ОҚУ ЖЫЛЫН БАСТАП ОТЫР. ОНЫҢ ІШІНДЕ 28 МЫҢҒА ЖУЫҚ ОҚУШЫ АЛҒАШ РЕТ МЕКТЕП ТАБАЛДЫРЫҒЫН АТТАП, 1 СЫНЫПҚА ҚАБЫЛДАНДЫ. БҮГІН МЕКТЕПКЕ ТАРЫДАЙ БОП КІРГЕН БҮЛДІРШІНДЕРДІҢ ТАУДАЙ БОЛЫП ШЫҒУЫНА ТІЛЕКТЕСПІН, -ДЕДІ Б.НАРЫМБЕТОВ.

Аталған білім ұйымы 2021-2022 оқу жылын олжалы аяқтап отыр. Мектепте 10 түлек «Алтын белгі», 26 оқушы үздік аттестат иесі атанса, 93 түлек мемлекеттік грант иегері атаныпты. 17 оқушы халықаралық ғылыми жобалар мен олимпиадада жүлделі орыннан көрінсе, 10 шәкірт әлемнің үздік университеттерінен грант жеңіп алған.

«Шымкент жастар лигасы»сайысында оқушылар футболдан І –орыннан көрініп, мектеп қоржынын 20 миллион теңгемен толықтырды. Одан бөлек, шахматтан  ІІ орын, баскетбол жарысында ІІІ-орын алған.

Биыл осы мектепте 261 оқушы 1 сыныпқа қабылданып, 10 сынып жасақталған. Орын тапшылығын болдырмау үшін мектеп жанынан 600 орынға лайықталған қосымша оқу ғимараты салынуда. Аталған ғимарат құрылысы аяқталса, оқушылар зәулім де әсем мектепте оқитын болады.

Сондай-ақ жаңа нысанның іші балалардың алаңсыз білім алуына лайықталып жасалып, кабинеттер де заманауи үлгіде жабдықталады. Жаңа білім ошақтары демографиялық көрсеткіші жылдан жылға жақсарып, оқушылар саны көбейіп келе жатқан шаһар үшін өте маңызды.

Соңғы жаңалықтар

ҰҚСАС ЖАЗБАЛАР