2025 жылғы 5 қарашада Шымкент қаласында 8–11 сынып оқушыларына арналған лингвистикадан республикалық іріктеу олимпиадасының аудандық кезеңі жоғары деңгейде өтті. Олимпиада «№3 Talant» жалпы білім беру мектебі базасында ұйымдастырылып, жас дарындардың білім мен зерттеушілік қабілеттерін сынауға мүмкіндік берді.
Қатысушыларға лингвистикалық тапсырмалар ұсынылып, бейтаныс тілдегі мәтіндер мен материалдар арқылы сол тілдің заңдылықтарын анықтау, талдау және практикалық тапсырмаларды орындау міндеттелді. Бұл сынақ тек тілдік білімді ғана емес, логикалық ойлау, зерттеушілік қабілет және тілдік талдау дағдыларын дамытатын маңызды алаңға айналды. Мұндай тәжірибе оқушылардың сыни ойлау және шығармашылық қабілеттерін шыңдайды, білімді практикалық тұрғыда қолдануға үйретеді.
Олимпиада қорытындысы бойынша ең жоғары ұпай жинаған 22 оқушы қалалық кезеңге жолдама алды. Бұл оқушылар Шымкенттің білім саласындағы дарынды ұрпақ әлеуетін көрсетіп қана қоймай, қаланың интеллектуалдық деңгейінің биік екенін дәлелдеді. Қалалық кезеңде олар республикалық деңгейдегі жарыста білімдерін одан әрі шыңдайтын болады.
Шараны ұйымдастырушылар – «Дарын» Шымкент қаласы бойынша білім басқармасының сайты арқылы ресми қорытынды хаттаманы жариялады. Мұғалімдер мен әдіскерлердің кәсіби қолдауы арқасында олимпиада жоғары ұйымдастырылған түрде өтті және қатысушыларға әділ бағалау жасалды.
Барлық қатысушылар мен жеңімпаздарды шын жүректен құттықтаймыз! Оларға әрі қарайғы кезеңдерде табыс, шығармашылық ізденіс пен білімге құштарлық тілейміз. Мұндай олимпиадалар жас ұрпақтың интеллектуалдық әлеуетін арттыруға, логикалық және сыни ойлау қабілеттерін дамытуға, ғылым мен білімге деген қызығушылығын күшейтуге маңызды үлес қосады. Шымкенттің жас зерттеушілері білім додасында жаңа белестерге жетіп, қаламыздың атын биікке шығаруға дайын.
