Жаңа оқу жылы – әр отбасы үшін ерекше кезең. 1 қыркүйек жақындағанда ата-аналар мен оқушыларды мазалайтын сұрақтардың бірі – «Мектепке қалай дұрыс дайындалу керек?». Бұл дайындық тек киім мен құрал-жабдық сатып алумен шектелмейді. Эмоциялық, психологиялық және күн тәртібіне бейімделу де – маңызды бөлшектердің бірі.
- Баламен ашық сөйлесіңіз
Жазғы демалыстан кейін мектепке қайта оралу — кей балаға қуаныш, енді біреуге уайым. Сондықтан:
- Баламен сөйлесіп, мектеп жайлы жақсы естеліктерді еске түсіріңіз;
- Жаңа достар, ұстаздар, үйренетін қызықты пәндер жайлы айтып, мотивация беріңіз;
- Егер бала қобалжып жүрсе, оның сезімін қабылдап, сабырмен тыңдаңыз.
- Күн тәртібін алдын ала реттеңіз
Тамыздың соңғы екі аптасында бала күнделікті режимге біртіндеп көшуі керек:
- Ұйқы мен ояну уақытын мектеп режиміне жақындатыңыз;
- Телефон, планшет, теледидар алдында өткізетін уақытты азайтыңыз;
- Кітап оқу, дәптермен жұмыс істеу секілді оқу іс-әрекетін біртіндеп енгізіңіз.
- Қажетті құралдарды бірге таңдаңыз
Бала мектепке дайындалу барысында өз ойын білдіре алатын болса, ол оқуға деген қызығушылығын арттырады:
- Сөмке, дәптер, қалам сияқты құралдарды бірге таңдап алыңыз;
- Мектеп формасын киіп көру арқылы балада жаңа оқу жылына деген көңіл күй оянады;
- Дайындық кезінде баланың талғамына құлақ асыңыз.
- Психологиялық қолдау көрсетіңіз
Бала үшін мектеп – тек білім орны ғана емес, жаңа орта мен жауапкершілік алаңы:
- Балаға қателесуден қорықпау керектігін түсіндіріңіз;
- Қолдау мен мақтау сөздеріңіз балаға сенімділік береді;
- Қатал талап қоюдан гөрі, бірге үйренуді мақсат етіңіз.
- Мектеппен байланыс орнатыңыз
- Жаңа сынып жетекшімен, пән мұғалімдерімен алдын ала танысу – бала үшін де, ата-ана үшін де пайдалы;
- Ата-аналар жиналысына қатысып, мектеп талаптарын нақтылап алыңыз;
- Қажет болса, психологпен, әлеуметтік педагогпен сөйлесіп, кеңес алыңыз.
Дерек көзі: baq.kz
