Түркістан облысының прокуратурасы мен облыс әкімдігінің «Қоғамдық келісім» мекемесі онлайн форматта семинар-тренинг өткізді. Басқосуда этносаралық тұрақтылықты сақтау мен жанжалдардың алдын алу, олардың пайда болу себептері талқыланды, деп хабарлайды CITYNEWS.KZ ақпарат агенттігі ҚазАқпарат сілтеме жасап.
Семинар жұмысына прокуратура мен полиция, ұлттық қауіпсіздік және әкімдік қызметкерлері қатысты. Басқосуда ұлтаралық келісім саласындағы мамандар мен профессор-этнографтар, тарих ғылымдарының докторы сөз сөйледі. Елімізге барлық этностардың келу тарихын және өзара қарым-қатынастардың даму сатыларын, олардың өзіндік ерекшелігін ашып айтты. Соңғы уақытта туындайтын этносаралық жанжалдарға тоқталды. Дәріскерлер қазақ халқы мен басқа да этностар тарихының осындай деструктивті көріністердің алдын алудағы, көршілерін ұрысуға тырысатын адамдар тобының өздерінің меркантильді міндеттерін шешудегі факторы және кепілі ретінде ұқсастығын атап өтті.
Этносаралық қақтығыстардың алдын алудың заманауи әдістері мен модельдері, мемлекеттік органдардың өзара іс-қимылының ерекшеліктері талқыланды. Семинар-тренингке қатысушылар Этносаралық қақтығыстарды болдырмау бойынша тиімді шаралар қабылдауда ұсыныстар мен көмек алды. Айта кетейік, мұндай онлайн форматтағы семинар-тренинг Түркістан облысында алғаш рет өткізіліп отыр. Қатысушылар осындай форматта диалогты жалғастыру туралы тілектерін білдіріп, оң бағасын берді.
