2025 жылдың 5-6 сәуір аралығында Шымкент қаласында Қазақстан Республикасы Туризм және спорт министрлігі Спорт және дене шынықтыру істері комитеті, Қазақстан Республикасы Ұлттық спорт қауымдастығы, Шымкент қаласының әкімдігінің қолдауымен теңге ілуден III Азия Кубогы өтеді.
Жарыстың Бас серіктесі – «Самұрық Қазына» АҚ, ал, серіктесі «Sportqory» спортты қолдау қоры және «AlemAgro» компаниясы болып табылады.
Кубоктың ұйымдастырушылары – ҚР «Теңге ілу» федерациясы» ҚБ, ҚР Ұлттық спорт қауымдастығы, Шымкент қаласының Дене шынықтыру және спорт басқармасы.
Жарысқа Қазақстан Республикасының ұлттық құрама командасының 4 спортшысы және Қазақстан, Өзбекстан, Қырғызстан, Түркіменстан, Тәжікстан, Монголия, Қытай, Ресейден қатысатын спортшылар өздерінің бақтарын сынайды.
Жалпы ересектер арасында 18-ге толған және одан жоғары жас аралығындағы спортшылар қатысатын болады.
Жарыстың ашылу салтанаты 5 сәуір, сағат 12:00 де. «Жеті құт», «Бес белес» стильдері бойынша үздіктер анықталады. 6 сәуір күні «Қос құлаш» стилінің жеңімпазын анықталады және 3 стиль бойынша үздіктер жарысып Үздік Теңге ілуші анықталады.
Аталған жарыс, қатарынан 3 жыл тұрақты түрде өтуде. Халықаралық жарыстардың тұрақты түрде өтуі теңге ілу спортының халықаралық дәрежеде дамуына септігін тигізуде.
