2023-02-05 10:36:31
1.3 C
Shymkent

Көп қаралғандар

Президенттік сайлауда әр дауыс маңызды

Шымкентте механикаландырылған бригаданың әскери қызметшілері Қазақстан Республикасы Президентінің кезектен тыс сайлауына дауыс беруге қатысты.

Таңертеңгі сағат жетіде №131 сайлау учаскесінің алдында әскери қызметшілер мен олардың отбасы мүшелері сайлаудың басталуын білдіретін Қазақстан Республикасының Әнұранын орындау үшін жиналды. Дауыс беру учаскісі №129 жалпы орта мектебінің аумағында орналастырылды. Бұл күні учаскіде құқық қорғау органдары мен әскери полиция қызметкерлері кезекшілік етсе, сайлау барысының сапасын бақылаушылар қадағалап отырды.

Дауыс беру барысы мен сайлауды ұйымдастыру туралы әсерлерімен бірқатар әскери қызметшілер бөлісті, олардың бірі осы күзде Алматы қаласынан әскер қатарына шақырылған Айбек Берденов. Оның айтуынша, сайлау жоғары деңгейде ұйымдастырылған.

 – Еліміздің негізгі заңында қызмет түріне, сондай-ақ тұрғылықты жеріне қарамастан, Қазақстан Республикасының әрбір азаматына сайлауға қатысу құқығына кепілдік берілгені айтылған. Мен бүгін осы құқығымды пайдаланып, өз таңдауымды жасадым. Мен азаматтық борышымды орындаудың жауапкершілігін және сайлауда әрбір дауыстың маңыздылығын толық түсінемін, – деп бөлісті Айбек Берденов.

Әскери қызметшілер дауыс берген сайлау учаскесінде жексенбі күнгі жағдай тыныш және мейірімді болды. Барлық дауыс берген әскери қызметшілер қанағаттанып, өз міндеттерін орындады.

Әскери бөлімнің тәрбиеші офицерлері сайлауға алғаш рет қатысып отырған мерзімді әскери қызметшілермен дауыс беру тәртібіне арналған сабақтар өткізді.

Айта кетсек, Шымкенттегі №89 сайлау учаскесінде Президент сайлауы таңғы сағат 06:00-де басталды. Ұлттық ұланның офицерлер құрамы мен сарбаздары алғаш болып сайлауға қатысып, өз таңдауларын жасады.

6506 әскери бөлімінде сарбаздардың басым бөлігі Қазақстан Республикасының президентінің сайлауына алғаш рет қатысып отыр.

Бұл әскери бөлімде орналасқан сайлау учаскесінде 815 сайлаушы тіркелген. Сарбаздар ала таңмен дауыс беріп тастап, қоғамдық қауіпсіздікті қамтамасыз етуге кірісті.

Шымкент гарнизонының баспасөз қызметі

Соңғы жаңалықтар

ҰҚСАС ЖАЗБАЛАР