ҚР Орталық сайлау комиссиясы алдағы Мәжіліс пен мәслихаттар сайлауының бюллетенінде саяси партиялардың атауы қандай тәртіппен орналасатынын айқындау үшін жеребе өткізді, деп хабарлайды CITYNEWS.KZ ақпарат агенттігі ҚазАқпарат сілтеме жасап.
Жеребе ашық әрі онлайн режимде өткізілді.
1-ден 5-ке дейінгі нөмірлер конверттерге салынды. Осыдан кейін әр партияның өкілі келіп, конвертті, яғни нөмірді таңдап алды.
Жеребе қорытындысы бойынша тізімде бірінші болып Қазақстан халық партиясы тұратын болды. Екінші нөміпде Нұр Отан, үшінші нөмірде Ауыл, одан кейін Ақ жол мен Адал партиялары орналастырылады.
Сайлау бюллетенінде саяси партиялардың тізімі осындай тәртіппен жазылады.
