ҚР Президентінің халыққа Жолдауы ел ішінде кеңінен насихатталуда. Бұл жолы Еңбекші ауданында орналасқан Оңтүстік арнайы еркін экономикалық аймағының басқарушы өкілдері және аймақ кәсіпорындарының қызметкерлерінің қатысуымен жиын өтті.
Жиында М.Әуезов атындағы Оңтүстік Қазақстан университетінің саясаттану кафедрасының оқытушысы Жамелов Бауыржан Алтайұлы баяндама жасады.
Мемлекетіміздің әлеуметтік-экономикалық және қоғамдық-саяси дамуының барлық аспектілері қамтылып, жер қойнауын тиімді пайдалану, жекешелендіру, АӨК (аграрлық өнеркәсіп кешені) проблемаларын шешу, экономика мен мемлекеттік секторды цифрландыру процесін сапалы ретке келтіру, денсаулық сақтау мен білім беру, өңірлерді дамыту, еңбек нарығы, саяси жаңғыру және адам құқығын қорғау, қоғамдағы бірлік пен келісім сияқты еліміздің дамуына қатысты аса маңызды мәселелерге назар аударылғаннын айтып өтті.
