2022-09-28 02:11:39
12.3 C
Шымкент

Көп қаралғандар

Шымкентте 3 мыңға жуық ана тұрақты жұмыспен қамтылды

Бұл туралы Шымкент қаласының әкімі жанындағы әйелдер істері және отбасылық-демографиялық саясат жөніндегі комиссияның кезекті отырысында «Бақытты жанұя» орталығының басшысы А.Қалымбет мәлімдеді.

Комиссия төрағасы, қала әкімнің бірінші орынбасары Шыңғыс Мұқан, құзырлы мемлекеттік органдар және жергілікті үкіметтік емес ұйым басшылары қатысқан жиында Қазақстан Республикасындағы 2030 жылға дейінгі отбасылық және гендерлік саясат тұжырымдамасын іске асыру бойынша бірқатар мәселелер қаралды.

Отырыста көпбалалы және аз қамтылған отбасыларға көрсетіліп келетін көмектің жай-жапсарын баяндаған «Бақытты жанұя» орталығының басшысы 4 269 ана жұмыспен қамту шараларына тартылғанын, 1225 ана қоғамдық жұмыспен қамтылғанын және 2 882 ана тұрақты жұмыспен қамтылғанын атап өтті. Сонымен бірге, 373 ана кәсіптік тегін оқу курсынан өтіп, 162 ана мемлекеттік грант алған.

Бұдан бөлек, жиында «Әйелдердің репродуктивті денсаулығын қорғау: ана мен бала өлімінің проблемалары туралы» денсаулық сақтау басқармасының басшысы Н.Асылбеков, «Қиын өмірлік жағдайға тап болған, отбасылық зорлық-зомбылықтан зардап шеккен азаматтардың дағдарыс орталығындағы жағдайы, өзекті мәселелері туралы» №3 арнаулы әлеуметтік қызметтер көрсету орталығының басшысы Н.Асанов баяндама жасады.

Комиссия отырысының қорытындысы бойынша Шымкент қаласының әкімі жанындағы әйелдер істері және отбасылық-демографиялық саясат жөніндегі Өңірлік комиссия тарапынан тиісті жұмыстарды жүргізу бойынша бірқатар құзырлы органдарға ұсыныстар берілді.

Бұдан бөлек Шымкент қаласында әйелдерді кәсіпкерлікке тарту бойынша жұмыстар тұрақты атқарылуда. Арнайы бағдарлама шеңберінде кәсіп бастағысы келген аналарға төмен пайызбен несие беру, олардың бизнес-жоспарларын қорғап беру оны сүйемелдеу бойынша нақты қолдау шаралары қарастырылған. Соның арқасында қаламызда көптеген әйелдер жаңадан кәсіп бастап, бизнесін дөңгелетіп жатқан жайы бар.

Сонымен қатар «Отбасы банкінде» де аналарға арналған арнайы салым бар. Сол арқылы әйелдер банкке ай сайын қаражат жинап кезегі келгенде өздері қалаған баспанаға қол жеткізе алады.

Соңғы жаңалықтар

ҰҚСАС ЖАЗБАЛАР