Шымкент қаласында өткен тәулік ішінде 5559 адам екпе салдырды: I компонент-2458, II компонент-3101. Егу науқаны басталғалы барлығы 394 484 адам вакциналанды. Оның ішінде 319 207 адам вакцинаның екі компонентін алды.
12 тамыз күні КВИ-дің бес жүз отыз екі жағдайы тіркелді (белгілері бар – төрт жүз он алты, белгілері жоқ – жүз он алты ). Екі жүз жетпіс жеті адам инфекциялық стационарға жатқызылып, екі жүз елу бес адам үй бақылауына алынды.
Сондай-ақ, 12 тамыз күні төрт жүз жетпіс үш нысанға тексеру жұмыстары жүргізілді. Оның ішінде он нысанда карантин режимінің талаптары бұзылғандығы анықталып, әкімшілік хаттамалар толтырылды.
Шаhарда эпидемиологиялық ахуал әлі де күрделі. Қала тұрғындарын қоғамдық орындарда бетперделік режимді сақтап, тезірек екпе алуға шақырамыз.
