2022-09-28 02:04:55
12.3 C
Шымкент

Көп қаралғандар

Келген туристті күтіп алу үшін де біліктілік керек

Шымкент қаласы туризм және сыртқы байланыстар басқармасына қарасты «Visit Shymkent» туристік ақпараттық орталығының ұйымдастыруымен гид-экскурсоводтар мен қонақ үй қызметкерлеріне арналған семинар-тренинг өтуде. Іс-шараның басты мақсаты — туризм саласындағы мамандардың қызмет көрсету сапасын жақсарту және білімін жетілдіру.

Семинар тренингті бизнесті дамыту бойынша кеңесшілер, сату және брендті нарықта ілгерілету, топ позицияларында ұзақ жұмыс өтілі бар сертификатталған Түркия, БАӘ, Өзбекстан елінен келген шетелдік коуч мамандар мен жергілікті білікті практиктер жүргізуде. Аталған мамандар экскурсия жетекшілеріне саладағы жаңа әдістер, өзге елдер практикасы мен гидтердің негізгі қасиеттері туралы айтса, қонақ үй әкімшілеріне менеджмент, нақты нәтижелерге қол жеткізу секілді ақпараттар беруде.

«ШЫМКЕНТКЕ БИЫЛ 3 АЙДА 97 501 ТУРИСТ КЕЛГЕН. БҰЛ КӨРСЕТКІШ ӨҢІРІМІЗДЕ ТУРИЗМ САЛАСЫНЫҢ ҚАРҚЫНДЫ ДАМЫП ЖАТҚАНДЫҒЫН АЙҚЫНДАЙДЫ. КЕЛГЕН ТУРИСТІ АЛДЫМЕН КҮТІП АЛАТЫН ҚОНАҚ ҮЙ ӨКІЛДЕРІ МЕН ОЛАРДЫҢ ҚАЛАНЫ ТАНЫП-БІЛУДЕ ЭКСКУРСИЯ ЖҮРГІЗУШІЛЕРІНІҢ БІЛІКТІЛІК ДӘРЕЖЕСІ АСА МАҢЫЗДЫ. БҮГІНДЕ ШЫМКЕНТТЕ АРНАЙЫ БІЛІМ БАР, СЕРТИФИКАТТАЛҒАН 80-ГЕ ЖУЫҚ ГИД-ЭКСКУРСОВОД БАР. САЛА ӨКІЛДЕРІНІҢ БІЛІМДЕРІН ЖЕТІЛДІРУ АРҚЫЛЫ ҚАЛАНЫҢ ТУРИСТІК ӘЛЕУЕТІН КӨТЕРЕ ОТЫРЫП, ТУРИСТЕРДІҢ САПАЛЫ ДЕМАЛУЫНА ЖАҒДАЙ ЖАСАЙМЫЗ» — ДЕЙДІ «VISIT SHYMKENT» ТУРИСТІК АҚПАРТТЫҚ ОРТАЛЫҒЫНЫҢ ЖЕТЕКШІСІ ЕРЛАН УМАРОВ.

Жалпы туризм мегаполистің басты табыс көзінің бірі ретінде қаралады. Ондай шешім шығаруға қаланың тиісті инфрақұрылымы және климаты мен тұрғындардың қонақжайлық қасиеті мүмкіндік береді. Бүгінгі таңда қалаға келетін туристердің дені негізінен өз еліміздің азаматтары құрайды. Сырттан келетін туристер ішінде ресейлік азаматтар саны басым. Екінші орында көршілес Өзбекстан елі алады. Өз кезегінде бізден де ол елге саяхаттап баратындар саны көп. Сондай-ақ Түркістан облысымен де байланыс өте жоғары деңгейде. Жалпы шаһардың туристік әлеуетін арттыру үшін Өзбекстанмен арнайы келіссіөздер жүріп жатыр. Бұйырса ол жаққа баратын туристер ағыны Шымкентке де бұрылатын болады.

Аталған семинар-тренинг 5 күнге созылмақ. Шара соңында қатысушыларға сертификат табысталады.

Соңғы жаңалықтар

ҰҚСАС ЖАЗБАЛАР