2022-09-27 21:20:44
22.3 C
Шымкент

Көп қаралғандар

Ғалам ақыны Мұхтар Шаханов жырсүйер қауыммен кездесті

Қазақстанның халық жазушысы, қоғам қайраткері Мұхтар Шаханов Шымкенттегі А.Қуатбеков атындағы Халықтар достығы университетінде оқырмандармен жүздесті. Ақынның 80 жылдық мерейтойы халықаралық деңгейде ТҮРКСОЙ ұйымы аясында қолға алынып, өткізілуде. Түркиядан басталған той дүбірі қаламгердің туған топырағы Отырар ауданында дүркіреді. Осыдан кейін той керуені Шымкент шаһарына келіп жеткен.

Керуен құрамында ақынның жары Ханшайым Шаханова, ҚР Мәжіліс депутаты Қазыбек Иса, А.Қуатбеков атындағы Халықтар достығы университетінің ректоры Рабиға Қуатбекова, заң ғылымдарының докторы Бекет Тұрғараев, жазушы Құдияр Біләл секілді елге танымал азаматтар бар.

Қайраткер ақынмен кездесуге қала тұрғындарымен қатар өңіріміздің ауыл-аудандардан да оқырмандар келді. Оқушы жастардың қарасы көп болды. Талантты жастар ақынның жырларын жатқа оқып, кеш көрігін қыздырды.

Кездесудің модераторы жазушы, профессор Құлбек Ергөбек болды.

–МҰХТАР ШАХАНОВ ТҰЛҒАСЫ – ҚАЗАҚ ӘДЕБИЕТІНДЕГІ, ҚАЗАҚ ҚОҒАМЫНДАҒЫ ӨЗГЕШЕ ҚҰБЫЛЫС. ӨЗІНІҢ БАР ЖЕТІСТІГІМЕН, ТІПТІ КЕРЕК ДЕСЕҢІЗ ЖЕТПЕЙ ЖАТАТЫН ТҰСТАРЫНЫҢ ӨЗІМЕН БӘРІБІР ҚҰБЫЛЫС, — ДЕДІ СӨЗІНДЕ ЖАЗУШЫ Қ. ЕРГӨБЕК.

ЮНЕСКО ұйымы Мұхтар Шахановтың шығармашылығын ғаламдық деңгейдегі ой теңізіне құйылған арынды арна екенін айтып, ақынның поэзиясы әлемге ортақ құндылық екенін мәлімдеген.

Қаламгердің сөзін тыңдап, өлеңдерін естіген жас буын өкілдері жүздесуден жан-дүние байлығына кенеліп, азаматтық пен парасатты патриоттықтың тәлім-сабағынан өткендей әсерде болды. Кездесуден қала тұрғындары мол рухани азық алып қайтты.

Жалпы Мұхтар Шахановтың ерлігін жыолар болсақ, ол жетоқсаншы жастарды қорғап шыққан қазақтың алғышқы ұлы. Міскеу төріндегі КСРО халықтары депутаттарының съезінде Арал мәселесін көтеремін деп мінберге шығып, Желтоқсан оқиғасына қатысқан жастардың кінәсіз екендігін, осыған байланысты тергеу әділ жүргізілу керектігін талап еткен ержүрек қоғам қайраткері.

Б.ӘБДІОРАЗ

Соңғы жаңалықтар

ҰҚСАС ЖАЗБАЛАР