2022-12-01 19:55:47
-2.7 C
Шымкент

Көп қаралғандар

«ШАРЫҚТАЙ БЕР, ШЫМҚАЛАМ!» концерті өтті

Үшінші мегаполистегі Қала күніне арналған іс-шаралар гала-концертпен қорытындыланды. Әл-Фараби алаңында өткен мерекелік кешті Айгерім Қалаубаева, Ғазизхан Шекербеков, Ләйлә Сұлтанқызы және Нұрсұлтан Құрман жүргізіп отырды.

«Құрметті шымкенттіктер, қадірлі достар! Бүгін барлығымыз Шымкент қаласының туған күнін атап өтеміз. Сондықтан, бүгін барлығымыз шымкенттікпіз, жерлеспіз» деген жүргізушілер түрлі қызықты сұрақтар қойып, естеліктер айтып, көпшіліктің көңіл-күйін көтеруге атсалысты. Ал қала әкімі Мұрат Әйтенов мегаполис тұрғындарын құттықтады.

– ҚҰРМЕТТІ ШЫМКЕНТТІКТЕР! БАРШАҢЫЗДЫ ҚАЛА КҮНІМЕН ҚҰТТЫҚТАЙМЫН! ШЫМКЕНТ ТҰРҒЫНДАРЫНЫҢ ОРТАША ЖАСЫ – 28-ДЕ, ҚАЛАМЫЗ ЖАСТАРДЫҢ ҚАЛАСЫ САНАЛАДЫ. 2200 ЖЫЛДАН АСТАМ ТАРИХЫ БАР ШАҺАРДЫҢ МЕГАПОЛИС АТАНҒАНЫНА ДА БИЫЛ 4 ЖЫЛ ТОЛДЫ. ОСЫ  УАҚЫТ ІШІНДЕ ҚАЛАДА КӨПТЕГЕН ӨЗГЕРІС ОРЫН АЛЫП, ШЫМКЕНТ БҰРЫНҒЫДАН ДА ДАМИ ТҮСТІ. БҮГІН ФУТБОЛШЫЛАРЫМЫЗ ДА ҚАЛА КҮНІНЕ СЫЙЛЫҚ ЖАСАДЫ. «ОРДАБАСЫ» КЛУБЫ ОҢТҮСТІК ДЕРБИІНДЕ «ТАРАЗ» КОМАНДАСЫНАН 3-2 ЕСЕБІМЕН БАСЫМ ТҮСТІ. АЛ ОСЫНАУ МЕРЕКЕЛІК КОНЦЕРТТІ ҰЙЫМДАСТЫРУШЫЛАРҒА ҮЛКЕН АЛҒЫСЫМДЫ БІЛДІРЕМІН. ШЫМКЕНТ ҚАЛАСЫ ДАМИ БЕРСІН! – ДЕДІ МҰРАТ ДҮЙСЕНБЕКҰЛЫ.

Концертте қазақ эстрадасының жарық жұлдыздары өнер көрсетіп,көне қаланы төл мерекесімен құттықтады.

Құттықтау тілегінен соң Қазақстан эстрадасының танымал әншілері көпшілікке арнап ән салып, концерт көркін қыздыра түсті. Халық алдында Заттыбек, Медеу Арынбаев, Бауыржан Исаев, Айгерім Қалаубаева, Ғазизхан Шекербеков, «Жігіттер», FM топтары және тағы да басқа өнерпаздар өнерлерін паш етті.

Сахнаны  әуезді әнімен әрлеп туған жерінің қуаныштын бөлісе келген Шымқаланың тумасы,әнші,композитор Ғазизхан Шекербеков те шымкенттіктерді мерекемен құттықтап,ақ тілегін арнады

Жиынға жиылған жұрттың да ықыласы ерекше болды.Концерттік бағдарламаны ұйымастырушыларға ризашылығын білдіріп,қала тұрғындарын төл мерекемен құттықтап,көңілді тарқаст. Айтып өтейік,кеш соңы мерекелік от шашумен аяқталды.

«Шымкент келбеті» –  Нұрлан Бектаев
Фото – Серік Қосаев

Соңғы жаңалықтар

ҰҚСАС ЖАЗБАЛАР