2021-10-27 05:49:27
9.3 C
Шымкент

Көп қаралғандар

Хоккей: «Барыс» қатарынан бес мәрте жеңіске жетті

Хоккей: «Барыс» қатарынан бес мәрте жеңіске жетті 1
Фото: olympic.kz

Құрлықтық хоккей лигасы аясында «Барыс» бүгін, 26 желтоқсанда елордада Ресейдің «Амур» (Хабаровск) командасымен кездесті, деп хабарлайды CITYNEWS.KZ ақпарат агенттігі ҚазАқпарат сілтеме жасап.

Бүгінгі кездесуде елордалық хоккейшілер жинақы қимыл көрсетті. Қарсыластар қақпасына жиі шабуыл жасады. Нәтижесінде бірінші кезеңнің 5-минутында «Барыс» хоккейшісі Якоб Лилья мергендігімен көзге түсті.

Екінші кезеңнің 24-минутында ресейлік хоккейшілер таразы басын теңестірді. Бұл жолы голды Михал Йордан өзінің еншісіне жазды. Ал 38-минутта Мэтт Фрэттин «Барысты» қайтадан алға шығарды.

Үшінші кезеңде де «Барыстың» басымдығы байқалып тұрды. Осындай шабуылдарда Кёртис Валк 41, Әлихан Әсетов 53, Якоб Лилья 58-минуттарда гол соғып кетті. Оған 59-минутта «Амур» хоккейшісі Доминик Машин бір голмен жауап қайырды.

Ойында «Барыс» қарсыласынан 5:2 есебімен басым түсті. Осылайша қатарынан бес ойында жеңіске жетті. Нәтижесінде елордалық клуб турнир кестесінде 13-орынға көтерілді.

Сондай-ақ, елордалық хоккейшілер бұдан бұрын «Авангардтан» басым түскен еді.

Енді «Барыс» екі ойынды Нұр-Сұлтанда өткізеді. Алдымен 28 желтоқсанда «Сибирь» (Новосібір), одан кейін 30 желтоқсанда «Металлург» (Магнитогорск) командаларымен кездеседі.

Соңғы жаңалықтар

ҰҚСАС ЖАЗБАЛАР