2022-11-28 15:10:31
8.3 C
Шымкент

Көп қаралғандар

Эмренің құрметіне ескерткіш ашылды

Шымкент қаласында түріктің белгілі ақын-жазушы Юнус Эмренің ескерткіші ашылды. Ашылу салтанатына Түркия Республикасының Сыртқы істер министрі Мевлют Чавошуглу, қала әкімі Мұрат Әйтенов, Түркия Республикасының Шымкент қаласындағы Құрметті Консулдығының құрметті Консулы Латипша Асанов және қала тұрғындары қатысты.

Іс-шараға жиналған қауым түріктің танымал ақынына арналған ескерткіш алдына гүл шоқтарын апарып қойды. Алғашқы болып сөз алған шаһар басшысы М.Әйтенов ақын-жазушы Юнус Эмренің шығармалары мен өмір жолы туралы қысқаша баяндап өтті.

– Бауырлас түрік халқының атақты қаламгері Юнус Эмрені біз Қожа Ахмет Яссауидың сопылық ілімін жалғастырушы тұлға ретінде танимыз. Әлбетте ұлы ойшылдың шығармалары мен еңбектері сүйіспеншілік пен мейірімділік, ізгілік пен адамгершілік негіздерінен бастау алады. «Көк түрік» деп рух алған күллі түркі жұртына белгілі Мағжан Жұмабаевтың шығармаларының өзі осы Юнус Эмренің есімімен тығыз байланысты, – деді ол.

Қала әкімі түбі бір түркі жұртының тарихы мен мәдениеті ортақ деді.  Рухани байланыстар берік екенін мәлімдеді. Оған дәлел ретінде қазақ-түрік достығын мысалға келтірді. Соның ішінде Шымкент пен Түркияның Измир, Ескишехир, Адана қалалары арасында достық байланыс орнатылғанын баяндай кетті. Шаһар басшысының айтуынша, Түркия елімен стратегиялық әріптестік өте берік және сауда-экономикалық қарым-қатынас пен бірлескен жобалар да бүгінде сәтті жүзеге асуда. Осы орайда түріктің айтулы азаматының атына ескерткіштің ашылуы екі ел арасындағы мәдени-гуманитарлық және сауда-экономикалық әріптестік байланыстарды бұдан да жоғары белеске көтеретініне сенім білдірді.

Сондай-ақ, салтанатты жиын барысында Түркия Республикасының Сыртқы істер министрі Мевлюд Чавошуглу Түркия Республикасының Шымкенттегі Құрметті консулдығының жұмысымен танысып шықты. Сонымен бірге осы іс-сапар аясында Түркия Сыртқы істер министрі мен қала әкімінің қатысуымен арнайы іс-шара ұйымдастыру қарастырылған. Онда  шаһардың бизнес өкілдерімен кездесу өтеді деп жоспарланып отыр.

Соңғы жаңалықтар

ҰҚСАС ЖАЗБАЛАР