Шымкенттегі “Тұран” шағынауданында бой көтерген 41 көпқабатты тұрғын үйдің құрылысы шаһар басшысы М.Әйтеновтің тікелей бақылауында.
Ол бұған дейін мерзімінен кешіктірген компания өкілдеріне айыппұл салынып, қадағалау күшейтілетінін айтқан. Бірқатар ескертпелер берілген болатын. Осыған орай, бүгін М.Дүйсенбекұлы аталған шағын аудандағы көпқабатты үйлердің құрылыс басына арнайы барып, әрбірін жіті тексерді. Сондай-ақ 25, 26, 29 орамдарда жүргізіліп жатқан инфрақұрылым жүйелерінің құрылыс қарқынын тексерді.
Нысанда қала әкімі тарапынан айтылған кемшіліктер жойылып, бірқатар түзетулер жасалған. Жоспарға сәйкес, құрылыс 2 кезеңмен жүргізілуде.
Шаһар басшысы құрылысы жүргізіліп жатқан тұрғын үйлердің мердігер мекемелеріне құрылыс сапасын қатаң бақылауды және бекітілген өндірістік кестеден ауытқымауды тапсырды.
Бұған қоса аталған аумақтағы тұрғын үйлерді жылу жүйесімен қамтамасыз етіп отқан жылу қазандығының жұмыс барысын қадағалады. Сонымен қатар жауын шашын салдарынан тұрғын үйлердің шатырынан, тұрғын үй жертөлесіне су жиналу және терезе айналасынан су өтіп зақымданған пәтерлерді де аралап шықты.
Айта кетейік, биыл Шымкентте «Нұрлы жер» бағдарламасы аясында 239,2 мың шаршы метрді құрайтын 2972 пәтерлі 51 көпқабатты тұрғын үйдің құрылысы жүргізілуде. Оның ішінде арендалық — 1320 пәтерді құрайтын 20 үй, кредиттік — 1652 пәтерлі 31 үй.
Айта кетейік, қала әкімі Мұрат Әйтенов шаһарға қарасты “Арғымақ”, “Ақтас -1”, ”Ақжар” еді мекендеріне барып, жол сапасын тексерді.
Ақжар тұрғын алабында жолдардың жалпы ұзындығы 26,2 шақырымды құрайды. Оның 5,7 шақырымына шағал тас, 19,6 шақырымына асфальт жабыны төселген, қалған 0,9 шақырымы топырақ жол.
Ал Ақтас-1 елді мекеніндегі жолдардың ұзындығы 11,3 шақырымды құраса, оның 1,1 шақырымына асфальт жабындысы, 10,2 шақырымына шағал тас төселген. 0,2 шақырымы топырақ жол.
“Арғымақ” елді мекеніне қарасты жолдардың ұзындығы 6,2 шақырымды құраса, оның 5,8 шақырымына шағал тас төселген, 0,4 шақырымы топырақ жол.
Бұл туралы қала әкімінің аралауы барысында қалалық жолаушылар көлігі және автомобиль жолдары басқарма басшысының міндетін атқарушы Мұхтар Саттиллаұлы баяндады.
