Қазақстан Республикасындағы мемлекеттік жоспарлау жүйесі туралы Қазақстан Республикасы Үкіметінің 2017 жылғы 29 қарашадағы №790 қаулысына сәйкес, Шымкент қаласын 2021-2025 жылдарға дамыту бағдарламасы жаңа форматта әзірленіп, Шымкент қалалық мәслихатының 2020 жылғы 23 желтоқсандағы №73/681-6с шешімімен бекітілген.
Бағдарлама құрылымы Қазақстан Республикасы Ұлттық экономика министрінің бұйрығымен бекітілген әдістемеге сәйкес әзірленді.
Бағдарламада 3 бағыт қамтылған:
— Өңір экономикасының өсімі;
— Өмір сүруге жайлы және қауіпсіз өңір;
— Өмірдің жаңа сапасын қамтамасыз ету бойынша бағыттар қамтылған.
Мемлекет басшысының 2021 жылғы 1 қыркүйектегі «Халық бірлігі және жүйелі реформалар – ел өркендеуінің берік негізі» атты Қазақстан халқына арнаған Жолдаудың 51 тармағына сәйкес, өңірлердің 5 жылға дамыту бағдарламасын Даму жоспарына қайта жаңарту тапсырылды.
Осыған байланысты, қаланы дамыту бағдарламасы Даму жоспары болып жаңартылып, салалық министрліктермен және Ұлттық даму министрлігімен келісілді.
Сонымен бірге, №790 қаулыға сәйкес жоғары тұрған мемлекеттік жоспарлау құжаттарындағы белгіленген мақсаттар мен міндеттерге қол жеткізу мақсатында, 2021 жылғы 26 ақпандағы ҚР Президентінің №521 Жарлығымен бекітілген 2025 жылға дейінгі Ұлттық даму жоспарының және ағымдағы жылдың қазан айында бекітілген 10 Ұлттық жобалардың индикаторлары өңірлер кесіндісінде декомпозиция жасалып, қаланың 5 жылға арналған даму жоспарына енгізілді. Атап айтқанда:
Ұлттық даму жоспары бойынша 20 стратегиялық көрсеткіштері енгізілді.
Оның ішінде:
— жан басына шаққандағы ЖӨӨ көлемі 2021 жылғы 6148 АҚШ доллардан 2025 жылы 9371 АҚШ долларға жеткізу;
— жұмыссыздық деңгейін 5,2 пайыздан 4,9 пайызға дейін төмендету;
— аналар өлім жітімін 100 мың тірі туылғандарға шаққанда 31,9-дан 14-ке дейін төмендету;
— халықтың сумен жабдықталуын 100 пайызға жеткізу;
— халықтың медицина, білім, экология, жергілікті атқарушы органдардың қызмет сапасына қанағаттану деңгейін 60 пайыздан 80 пайызға дейін жеткізу жоспарланды.
Мемлекеттік жоспарлау жүйесіне енгізілген өзгерістерге сәйкес, Мемлекет басшысының тапсырмасына сәйкес, мемлекеттік бағдарламалар Ұлттық жобаларға ауыстырылды.
Ағымдағы жылдың қазан айында Қазақстан Республикасы Үкіметінің қаулысымен 10 Ұлттық жобалар бекітілді (бұрынғы мемлекеттік бағдарламалардың орнына).
Ұлттық жобалардың негізгі көрсеткіштері өңірлер кесіндісінде декомпозиция жасалып, даму жоспарына 80 индикатор енгізілді.
Атап айқанда:
1. 2021-2025 жылдарға арналған кәсіпкерлікті дамыту жөніндегі ұлттық жоба – 9;
2. «Білімді ұлт» сапалы білім беру» ұлттық жобасы – 6;
3. «Дені сау ұлт» әрбір азамат үшін сапалы және қолжетімді денсаулық сақтау» ұлттық жобасы аясында – 13 индикатор;
4. «Жасыл Қазақстан» ұлттық жобасы – 7;
5. Қазақстан Республикасының агроөнеркәсіптік кешенін дамыту жөніндегі 2021-2025 жылдарға арналған ұлттық жоба – 12;
6. «Қазақстандықтардың әл-ауқатын арттыруға бағытталған орнықты экономикалық өсу» ұлттық жобасы – 3;
7. «Қуатты өңірлер – ел дамуының драйвері» ұлттық жобасы – 5;
8. «Ұлттық рухани жаңғыру» ұлттық жобасы – 13;
9. «Цифрландыру, ғылым және инновациялар есебінен технологиялық серпіліс» ұлттық жобасы – 8;
10. «Қауіпсіз ел» ұлттық жобасы – 4 индикатор.
Сонымен бірге, қаланың өзекті мәселелерінен туындаған
2 индикатор енгізілді:
— апатты және үш ауысымда оқытатын мектептерді азайту (2024 ж – 0);
— жақсы және қанағаттандырылатын жағдайдағы жолдардың үлесі (2025 ж. – 79%);
Жалпы даму жоспарына 102 индикатор енгізілді, оның ішінде 29 — индикатор – макроиндикатор, 73 — қаржылық шығыстармен байланысты индикаторлар болып табылады.
Қаланың даму жоспарына енгізілген индикаторлар мемлекеттің жоғары тұрған стратегиялық құжаттарында айқындалған басымдықтарды іске асыруға бағытталуына байланысты, өзгерістерді.
Шымкент қалалық мәслихатының, «Nur Otan» партиясының депутаты, фракция мүшесі Аширбаев Байкен Аширбайұлы!
