Шымкент қаласында бүгінгі күні жетпіс бір мыңға жуық шағын және орта субъектілер бар. Шағын және орта кәсіпкерлік саласында жүз алпыс бір мың адам жұмыспен қамтылған. Олармен шығарылған өнім көлемі 222,1 млрд. теңгені құрап, 22,9 пайызға артты.
«Бизнестің жол картасы-2025» бизнесті қолдау мен дамытудың мемлекеттік бағдарламасы шеңберінде жыл басынан бері сегіз жүз он тоғыз жобаға төрт млрд.теңгеге қолдау көрсетілді.
Алдағы бес жылда жалпы өңірлік өнімдегі шағын және орта кәсіпкерліктің үлесін қырық пайызға жеткізу жоспарлануда.
Айта кетейік, осы жылдың сегіз айында қаланың әлеуметтік-экономикалық көрсеткіштерінде өсім динамикасы қалыптасып, оң өзгерістер байқалған.
