2021-10-26 15:38:52
19.3 C
Шымкент

Көп қаралғандар

Тарихқа тағзым-ұрпаққа тағылым

Тарихқа тағзым-ұрпаққа тағылым 1

«Шымқала» тарихи-мәдени кешенінің ұйымдастыруымен Қазақстан Республикасының Тұңғыш Президенті Н.Ә.Назарбаевтың «Ұлы даланың жеті қыры» бағдарламалық мақаласы аясында «Бабалар жолымен» тақырыбында мәдени іс-шара өтеді.

Елбасы өз мақаласында ұлы даланың өткен тарихын жаңғырту және сақтаудың бірегей тұжырымдамасын ұлт құндылығы ретінде ұсынған болатын. Мақаланың негізгі мақсаты өткенді зерттеп, зерделеу. Ұлттық тарихи жәдігерлерді әлемдік деңгейге шығарып, брендке айналдыру. Осы қағиданы ұстанған «Бабалар жолымен» атты мәдени іс-шара да қатысушылар арнайы әзірленген даналық сөздерді оқи отырып, бабалар бейнесіндегі кейіпкерлермен таныса алады. Сонымен қатар, «Шым қала» тарихи-мәдени кешеніндегі «Шахристан», «Шығыс базары», «Хауыз», «Жібек жолы керуені» және «Цитадель» музейіне саяхат жасайды.

Тарихқа тағзым-ұрпаққа тағылым 3

Ұйымдастырушылардың айтуынша бағдарлама аясында ұлттық нақышпен безендірілген сәкі үстінде Шымкент қаласының панорамалық көрінісімен фототүсірілім де жасалады. Сондай-ақ, келушілер LED экраннан Тәуелсіздік туралы және «Шымқала» тарихи-мәдени кешені туралы шағын бейнеролик пен «Әл-Фараби» анимациялық бейнефилімін тамашалайды.

Тағылымы мол іс-шараны өткізудің мақсаты жастарға қазақ тарихынан мағлұмат бере отырып, олардың таным көкжиегін кеңейту. Сонымен қатар, жаңа қазақстандық патриотизмге баулу. Мәдени бағдарлама «Шымқала» тарихи-мәдени кешенінде өтеді.

Соңғы жаңалықтар

ҰҚСАС ЖАЗБАЛАР